«((( كبرت يااما خلاص )))» بقلم الشاعر المتألق👈أسامه جديانه

كبرت يااما خلاص
وماعاد ينفع دلع
وبقيت طويل القامه
وبقيت راجل جدع
ومهما أسيت م الدنيا
مش ممكن أتوجع
ها أتحدى كل الهموم
ولا عيني هاتدمع
أنا أتربيت ع الغالي
وبرزق ربنا هاأقنع
دفاني حضنك كتير
بأقل شئ هاأشبع
دعواتك باقيا ليا
ف طريقي هاأتشجع
وهافرد خطوتي
وراح أفتح مصنع
وأشغل شباب كتير
ومن مالي أتبرع
للي يكون محتاج
ولا يوم هاأتمنع
ربتيني ع الخير
وبدنيتي أتمتع
رحمة الله عليك
ياريت أيامك ترجع
وعليكِ أتدلع
                   ( أسامه جديانه

)