«((( زى السيف )))» بقلم الشاعر المتألق👈ناجى فايد

زى السيف. .

كل واحد دماغه سيف ....
دماغه ناشفة تقولشى كيف. ..
ومفيش فرق فى المدينة أو فى ريف. .
كل واحد شايف نفسه ..
فيها سيدنا أو عريف
فيها ايه لو عشنا جواها ضيف. .
ناخد واجبنا ونفترق خفيف خفيف. .
مش ضعف منك لو كلامك انكسر. .
أبدا. .مش هنقول عليك ضعيف. .
الضعيف هو بجد اللى انكسر ..
 فيه الأمل ....
مكسور و فى قلبه شايل حمل جبل.
الضعيف هو اللى يوم ينحني للظروف
هو اللى يسمع للى قال بكل خوف. .
إياك تكون لين قوى تتعصر. .
أو حتى ناشف وسط ناس
انشف منك فتنكسر. .
ونقول ساعتها عليك ضعيف. .
خليك زى معاوية مقال. .
بينى وبين الناس حبال. .
وقت الحبة تترخى. .
و وقت الشدائد تبقى عقال.
واكسب بحبك قلبهم. .
خليك كبير خليك فى نظرهم
عمهم مش بالكلام بالفعال.
وخلى وعدك ليهم سيف. .
ما انتش ضعيف. .
الكلام الحلو لين الحديد. .
اسأل عللى ناسي فضلك
حتى لو كان عنك بعيد. .
دى الحياة ملعب كبير. .
وانت فيها لعيب حريف. .
إياك تخلى دماغك سيف.
وإياك تفكر إنك أنت
فى يوم ضعيف. 

تحياتى
ناجى فايد

مصر